اسلام آباد۔25اکتوبر(اے پی پی) پاکستان اچ تعینات انڈونیشیا دے سفیر ایڈم ایم ٹوگیو آکھیے انہاں دا ملک وختی پاکستان نال براہ راست پروازاں شروع کرݨ سانڳے کوشاں اے جیں توں ݙوہیں ملکاں وچال عوامی رابطے ٻئے تکڑے تھیسن تے ݙو پاسے کاروباری تعلقات ودھسن ، انڈونیشیا پاکستان نال تجارتی اتے اقتصادی تعلقات کوں مزید ودھاوݨ چاہندے تے براہ راست پروازاں دا آغاز ایں مقصد کیتے مددگار ثابت تھیسی ۔ نیشنل بک فاؤنڈیشن آف پاکستان اچ وختی انڈونیشین کارنر دا افتتاح کیتا ویسی جیں توں پاکستانی عوام اچ انڈونیشیا بارے بہتر آگاہی پیدا تھیسی تے ݙوہیں ملکاں وچال ݙو پاسے تعلقات مزید چنڳے تھیسن۔ اے ڳالھ انہاں اسلام آباد چیمبر آف کامرس اینڈ انڈسٹری دے الوداعی دورے تے تاجر برادری توں خطاب اچ آکھی اے۔ انہاں آکھیے او اڄوکے سال پاکستان اچ آپݨی سفارتی ذمہ واریاں نبھاوݨ دے بعد واپس انڈونیشیا ویندے پئن۔ایڈم ایم ٹوگیو آکھیے پاکستان تے انڈونیشیا وچال حلال جڑی ٻوٹیاں دیاں دوائیں اچ سانجھے تعاون دے عمدہ موقع موجود ہن ،ݙوہیں ملک ایں توں فیدہ چاوݨ دی کوشش کرن ۔ انہاں آکھیے پاکستان دی فارماسیوٹیکل مصنوعات سستیاں ہن تے انڈونیشیا دی مارکیٹ اچ چنڳی مقبولیت گھن سڳدن ۔ انہاں آکھیے انڈونیشیا اڳلے سال جکارتہ اچ پاکستان آسیان ایکسپو منعقد کریسی ،پاکستان دی تاجر برادری ایں اچ بھرپور شرکت کرے۔
.jpg)
