خصوصی سرمایہ کاری سہولت کونسل پاکستان دی معاشی ترقی کیتے امید دی کرن اے، نگراں وزیرِاعظم انوار الحق کاکڑ

اسلام آباد۔17اگست (اے پی پی) نگراں وزیرِاعظم انوار الحق کاکڑ آکھیا جو پاکستان اچ زراعت، کان کنی تے معدنیات، آئی ٹی، توانائی اتے دفاعی پیدوار دے شعبے اچ ٻاہرلی سرمایہ کاری دے ٻہوں موقع ہن، نگراں حکومت معیشت دے استحکام اتے ترقی کیتے ہرممکن اقدامات کریسی۔ خمیس کوں وزیراعظم آفس دے میڈیا ونگ توں جاری بیان موجب اے ڳالھیں انہاں ٻاہر دی سرمایہ کاری ودھاوݨ کیتے ٻݨی خصوصی سرمایہ کاری سہولت کونسل (ایس آئی ایف سی) بارے بریفنگ اچ آکھی۔ خصوصی سرمایہ کاری سہولت کونسل دے سیکرٹری عملدرآمد جہانزیب خان اتے سیکرٹری جمیل احمد قریشی بریفنگ اچ شریک تھیے۔ وزیرِ اعظم کوں خصوصی سرمایہ کاری سہولت کونسل دے تحت زراعت، کان کنی تے معدنیات، آئی ٹی، توانائی اتے دفاعی پیداوار اچ ٻاہرلی سرمایہ دے موقع پیدا کرݨ کیتے اقدامات بارے ݙسیا۔ وزیراعظم کوں ایس آئی ایف سی دے تحت ٻاہرلی سرمایہ کاری ودھاوݨ اتے سرمایہ کاراں دی سہولت کیتے حکومت دی حکمت عملی بارے ݙسیا ڳیا۔ وزیرِ اعظم جہانزیب خان اتے جمیل احمد قریشی دی ایس آئی ایف سی دے تحت ملک اچ سرمایہ کاری دے فروغ کیتے کوششاں دی تعریف کیتی۔

مضمون کا ماخذ : نقدی پھٹنا

متعلقہ مضامین