پنجاب حکومت 10 کلو اٹا 650 توں سستا کرتے 490 روپے کرݙتے، سرکاری ہسپتالاں اچ کینسر، عام دوائیاں مفت ݙیوݨ دا اعلان

لاہور۔19مئی(اے پی پی)وزیر اعلی پنجاب حمزہ شہباز 200 ارب روپے دی سبسڈی نال سوبے اچ اٹے دے 10 کلو تھیلے دی قیمت 650 توں سستا کرتے 490 روپے کرݨ دا اعلان کریندے آکھیے جو تیکھے سرکاری ہسپتالاں اچ کینسر اتے عام استعمال دیاں دوایاں مفت ݙتیاں ویسن، او لاہور اچ پریس کانفرنس کریندے پئے ہن۔ انہاں آکھیا جو ہݨ سستے اٹے کیتے کوئی لائناں نہ لڳسن، اٹے تے ہر مہینے 17 ارب روپے سبسڈی ملسی، ݙو ہزار ݙو سو روپے حساب نال 45 لکھ ٹن کݨک ڳھن ڳھدی اے، کݨک دے ہک سال دے ذخائر موجود ہین، میݙے کولو کوعی جادو کائنی صرف نیت صاف اے، جے تئیں اللہ چاہسی عہدے تے ٻیٹھا رہساں، 36 اضلاع اچ پرائس کنٹرول کمیٹیاں ٻݨا ڈتن جیندی آپ نگرانی کریساں، مربوط پالیسی نال کم کریسوں۔ اساں کوئی سیاسی انتقام نہ ڳھنسوں، آئین و قانون نال کھیݙݨ آلیاں نال قانون آپ نمٹسی، تریمتیں دے ناں تے کمشین اتے کرپشن دا مال کھوݨ آلے مجرماں کوں سامݨے ڳھن آسوں، عمران خان نال ایہو انتقام اے جو صوبے دے عوام کوں خوشحال کروں، اپوزیشن دے چنڳے لوکاں کوں نال ٹریسوں۔

مضمون کا ماخذ : پھل اور سات

متعلقہ مضامین