پاکستان دی ترقی سانڳے بلوچستان دی ترقی ٻہوں اہم اے، بلوچستان توں احساس محرومی مکاوݨ تے ترقی اساں ساریں دی ذمے واری اے ،وزیراعظم محمد شہبازشریف

APP23-080724 QUETTA: July 08 - Prime Minister Muhammad Shehbaz Sharif meets members of the provincial cabinet of Balochistan. APP/TZD

کوئٹہ۔8جولائی(اے پی پی) وزیراعظم محمد شہبازشریف پاکستان دی ترقی سانڳے بلوچستان دی ترقی کو ناگزیر قرارݙیندے آکھیے بلوچستان توں احساس محرومی مکاوݨ تے صوبے دی ترقی اچ آپݨا کردار نبھاوݨ اساں ساریں دی ذمے واری اے ۔ دانش اسکولاں کوں بلوچستان اچ ڈویژن دی سطح تئیں وسعت ݙیوݨ دا عزم اے ،بلوچستان دے نینگراعلی تعلیم یافتہ ہوسن تاں صوبے تے ملک دی ترقی اچ آپݨا کردار نبھیسن۔ اے ڳالھ انہاں بلوچستان دی کابینہ دے اجلاس توں خطاب اچ آکھی اے ۔ ایں موقع تے گورنربلوچستان شیخ جعفرخان مندوخیل ،وزیراعلیٰ میرسرفرازاحمد بگٹی ،وفاقی وزراء اتے صوبائی کابینہ دے ارکان موجود ہن۔وزیراعظم شہبازشریف آکھیے میں بلوچستان حکومت دی بݨݨ دے بعد پہلی واری کوئٹہ آیاں ،گورنر،وزیراعلیٰ بلوچستان تے کابینہ سودھےعوام کوں دلوں مبارخ ݙینداں میکوں پورا یقین اے وزیراعلیٰ بلوچستان دی قیادت اچ صوبائی حکومت صوبے دے عوام دی خدمت کرییسی تے بلوچستان اچ ترقی تےخوشحالی داانقلاب آسی ،گورنربلوچستان منجھے ہوئے سیاستدان ہن، امید اے اوآئینی ذمہ واری چنڳے طریقے نال نبھیسن ، انہاں آکھیے بلوچستان اہم صوبہ اے اتھاں آباد بلوچ ،پشتون آباد کاراں سودھے پیار محبت کرݨ آلے ??وہݨے لوک ہن ۔ اے صوبہ پاکستان دا سوہݨا علاقہ اے، بدقسمتی نال ترقی دی بھڄ دھرک اچ پچھوں رہ ڳئے ۔ انہاں آکھیے خیبرپختونخوا ،بلوچستان ،سندھ اتے پنجاب دے عوام سودھے پاک فوج ،پولیس تے ٻئے اداریں و??یا?? قربانیاں ݙتن۔زرعی ٹیوب ویلاں دی شمسی توانائی تے منتقلی دے حوالے نال انہاں آکھیے میݙے قائد محمدنوازشریف دی صدارت اچ مخلوط حکومت ھک فیصلہ کیتے جیں دے چنڳے نتیجے برآمد تھیسن ،بجلی دی سبسڈی آلا باب ختم کرتے 28ہزار ٹیوب ویلاں کوں سولر ??ے منتقل کیتا ویسی ۔ جے ٹیوب ویل سولر ??ے چلسن تاں سستی بجلی زمینداراں کوں ملسی ۔وزیراعلیٰ بلوچستان وعدہ کیتے 28ہزار ٹیوب ویلاں کوں 3مہینے اچ شمسی توانائی تے منتقل کیتا ویسی ۔وزیراعلیٰ خود چنڳے ایڈمنسٹریٹر ہن۔ ایں منصوبے توں بجلی دی چوری مک ویسی ،منصوبے سانڳے وفاقی وزیر توانائی سرداراویس لغاری ،وفاقی وزیر خزانہ اورنگزیب ،وزیرقانون اعظم نذیر تارڑ ،وفاقی وزیر صنعت جام کمال ،وفاقی وزیر اطلاعات عطاء تارڑ ،سیکرٹری توانائی ،سیکرٹری خزانہ تے خاص طورتے وزیراعلیٰ بلوچستان میرسرفرازبگٹی تے ٻئیں دیاں کوششاں چنڳیاں ہن ۔انہاں آکھیے دلوں ٻہوں خوشی تھئی اے جو وزیراعلیٰ بلوچستان منصوبے دا فالو اپ کیتے۔ انہاں آکھیے پورے پاکستان اچ تیل تے چلݨ آلے 10لکھ ٹیوب ویل ہن جنہاں تے سالانہ 3.5ارب ڈالر ??رچہ آندا پئے اساکوں رل تے ھک بزنس ماڈل دے تحت صوبیں نال رل تے کم کرݨا ہوسی تے اتنے وݙے خرچے توں چھٹکارا پاوݨا ہوسی ۔ صوبیں نال وختی ھک ماڈل بݨا ݙتا ویسی وزیراعظم آکھیے اساں قرضے دی وٹھ اچ ہوں ، وفاق تے صوبے رل تے عوام دی چنڳائی سانڳے کم کریسن تاں سا??یا?? آندیاں نسلاں اساکوں یاد رکھیسن تے جے ایں موقع کوں ضائع کیتا تاں سا??یا?? آندیاں نسلاں اساکوں معاف نہ کریسن ۔وزیراعظم آکھیے وفاق اڄوکے سال بلوچستان اچ دانش سکولاں سانڳے بجٹ رکھیے باقی صوبیں کنے زیادہ وسائل ہن جݙاں جو بلوچستان دا جغرافیائی حوالے نال رقبہ وݙا اے، انھاں فاصلیں کیتے وسائل دی لوڑھ تے وفاق توں دانش سکولاں دامنصوبہ بلوچستان سانڳے رکھیے،وزیراعظم بلوچستان حکومت کوں صوبے دے سارے مسئلے مکاوݨ دا یقین ݙیوائےتے آکھیے صوبے دے سارے مسئلے ??لے ٻہہ تے مکا ݙیسوں ۔ بلوچستان توں محرومی دے احساس کوں مکاوݨ تے صوبے دی ترقی اچ آپݨا کردار نبھاوݨ اساں ساریں دی ذمے واری اے ۔ دانش اسکولاں کوں بلوچستان اچ ڈویژن دی سطح تئیں ودھاوݨ دا عزم اے ، وفاق بلوچستان دی ترقی تے خوشحالی سانڳے صوبائی حکومت نال رل تے کم کریسی ۔چین اچ سرکاری وظیفے تے زرعی شعبے دی پیشہ ورانہ تربیت سانڳے بھیڄے ونڄݨ آلے ??البیں اچ بلوچستان دے 10 فیصد توں ودھ طالبیں دا کوٹہ رکھیے چین اچ ہواوے دے تحت ترائے لکھ پاکستانی نینگراں دی انفارمیشن ٹیکنالوجی شعبے اچ تربیت اچ وی بلوچستان دے طالبیں سانڳے 10 فیصد اضافی کوٹہ رکھیے ۔بلوچستان دے نینگر اعلی تعلیم یافتہ ہوسن تاں او صوبے تے ملک دی ترقی اچ آپݨا کردار نبھیسن ، آئی ایم ایف کنے ونڄݨ ساݙی مجبوری اے جے اساں آپݨے وسائل استعمال کروں تاں ایں مسئلے ??وں نکل سڳدوں ، اڄوکے مہینے آئی ایم ایف دے پروگرام سانڳے اپروچ کرݨا اے، آئی ایم ایف داپروگرام مکاوݨ اوکھا ضرور اے لیکن ناممکن کائنی ۔ اوکھ توں گزرتے ہی و??یا?? قوماں بݨین ، جاپان ،چین تے ٻئے دیاں مثالاں ساݙے سامݨے ہن او دور آسی جݙاں اساں ترقی دے رستے تے ٹرسوں ۔اسلام آباد اچ عوام سانڳے وی ھک منصوبہ تیار کیتے جیندے اچ عوام کوں ریلیف ݙیسوں ۔وفاق بلوچستان دی ترقی وخوشحالی سانڳے صوبائی حکومت نال اے صوبیں اچ سرمایہ کاری سانڳے امن وامان پہلی شرط اے ۔انہاں آکھیے جݙاں میں پچھلے ??ور اچ وزیراعظم ہم تاں گوادر دے ست توں اٹھ دورے کیتے ہݨ ساݙی حکومت آئی تاں پتہ لڳے جو او سیف سٹی آلا منصوبہ بند کرݙتا ڳئے۔گوادر ھک ٻہوں وݙا بہترین کمرشل بندر گاہ بݨسی ۔ چین گوادر اچ ائیرپورٹ ،ہسپتال دے منصوبے ݙتن ۔ دہشت گردی دے واقعات تے انہاں آکھیے جیڑھے دشمن چین دے خلاف کم کریندے پئن او بلوچستان ،پاکستان تے اساں ساریں دے دشمن ہن انہاں کوں اساں سارے ڄاݨدوں،اساں رل تے ایں ناسور کوں مکا سڳدوں۔ ارباں ڈالر ??ی سرمایہ کاری آسی تاں ایندا فیدہ ساریں توں پہلے ??لوچستان کوں تھیسی ۔ وزیراعلیٰ بلوچستان اتے ٻئے اداریں نال ڳالھ مہاڑ تھیندی رہندی اے جیڑھے مسئلے ہن مکا ݙیسوں