جمہوری طرزعمل دے ودھارے سانڳے پارلیمانی ادارے اہم کردار نبھیندن،یوسف رضا گیلانی

اسلام آباد۔29جون (اے پی پی) چیئرمین سینیٹ سید یوسف رضا گیلانی پارلیمنٹریزم دے جڳ ݙیھاڑ تے آپݨے سنھیے اچ پورے جڳ دیاں سبھی پارلیمان کوں مبارخ ݙتی اے ۔ انھاں آکھیے اے ݙینھ اہمیت رکھیندے کیوں جو ایں ݙینھ بین الپارلیمانی یونین دی سالڳھنڈ وی منائی ویندی پئی اے ۔ سید یوسف رضا گیلانی آکھیے جو جمہوری طرز عمل دے ودھارے اچ پارلیمانی ادارے اہم کردار نبھیندن ۔میڈیا ڈائریکٹوریٹ سینیٹ سیکرٹریٹ توں جاری بیان موجب سید یوسف رضا گیلانی آکھیے اڄ اساکوں بطور پارلیمنٹیرینز پارلیمانی جمہوریت دی اقدار کوں برقرار رکھݨ دا عزم کرݨ دی لوڑھ اےاساکوں مکالمے تے سانجھے احترام ودھاوݨ دے نال معاشرے کوں فیدہ ݙیوݨ آلے قانون سازی دے ایجنڈے کوں اڳوں تے ودھاوݨ سانڳے ودھیک محنت کرݨی چاہیدی اے ۔ چیئرمین سینیٹ آکھیے پارلیمانی طرز حکمرانی سانڳے غیرمتزلزل جڑت آندیاں نسلاں دے روشن مستقبل اچ چنڳاں کردار نبھیندن ۔ سید یوسف رضا گیلانی مزید آکھیے موسمیاتی تبدیلی، دہشت گردی،انتہا پسندی، ودھدے جھیڑے تے ٻئے چیلنجز جیڑھے اقوام عالم دی بقا سانڳے خطرہ بݨدے پئن انہاں نال نبݨݨ سانڳے ھک مؤثر فریم ورک اتے اجتماعی نقطہ نظر دی ٻہوں لوڑھ اے۔ انہاں آکھیے پاکستان دی پارلیمنٹ امن، ترقی اتے خوشحالی ودھاوݨ سانڳے پورے جڳ دیاں پارلیماناں دے رلے ہے۔

مضمون کا ماخذ : میگا ملینز کے فاتحین

متعلقہ مضامین