اسلام آباد۔25دسمبر(اے پی پی)نگران وفاقی وزیر اطلاعات، نشریات و پارلیمانی امور مرتضیٰ سولنگی پاکستان ٹیلی ویژن اچ کرسمس دی تقریب اچ شرکت کیتی اتے کرسمس دا کیک کٹیے۔
وفاقی سیکریٹری اطلاعات شاہیرہ شاہد، ایم ڈی پی ٹی وی مبشر توقیر شاہ سودھا پی ٹی وی دے ٻئے افسران وی موجود ہن۔
نگران وفاقی وزیر اطلاعات مسیحی برادری بالخصوص پی ٹی وی دے مسیحی ملازمین کوں کرسمس دی مبارک ݙیندے آکھیا جو ایں خوشی دے موقعے تے اساں وی مسیحی برادری دے نال شریک ہیں۔
وفاقی سیکریٹری اطلاعات شاہیرہ شاہد اتے منیجنگ ڈائریکٹر پی ٹی وی سید مبشر توقیر شاہ پی ٹی وی دے مسیحی ملازمین کوں کرسمس دی مبارکباد ݙیندے آکھیا جو اینڄھی تقریب کراوݨ ہمیشہ توں پی ٹی وی دی ریت رہی اے۔ ایں موقع تے پی ٹی وی دے مسیحی برادری دے ملازمین نگران وفاقی وزیر اطلاعات دا تقریب اچ آوݨ تے شکریہ ادا کیتے۔