گزریل حکومتاں دے قرضیں دی مد اچ سالانہ 2 ہزار ارب روپے واپس کریندے پیوں ، وزیراعظم عمران خان آندے پنج سال وی حکومت کریسن ،چوہدری فواد حسین

اسلام آباد۔22جون (اے پی پی):وفاقی وزیر اطلاعات و نشریات چوہدری فواد حسین آکھیے جو گزریل حکومتاں دے قرضیں دی مد اچ سالانہ 2 ہزار ارب روپے واپس کریندے پیوں، گزریل حکومتاں دی وجہ توں ملکی آمدݨ گھٹ تے خرچے ودھ ہن ، اپوزیشن سمندر پار پاکستانیاں کوں ووٹ دا حق نی ݙیوݨ چاہندی ، 2023ءاچ 1500 ارب روپے بجلی گھراں دی مد اچ ݙیوݨے ہوسن ، بجلی دے پلانٹ لیندے ہوئیں ماحولیاتی تبدیلی دے منفی اثرات کوں نظر انداز کیتا ڳیا ، سندھ اچ 13 سال برسراقتدار پیپلز پارٹی صوبے کوں برباد کیتے، سندھ دے انفراسٹرکچر تے پیسہ خرچ نی کیتا ڳیا ، سندھ حکومت کوں ونڄݨ آلا پیسہ ٻاہرلے ملک منتقل تھیندے ، اپوزیشن نال رل تے مسئلیں دا حل چاہندوں، وزیراعظم عمران خان آندے پنج سال وی حکومت کریسن ۔ جے اپوزیشن کوں آندے انتخابات اچ دھاندلی دا ݙر اے تا او ترامیم سامݨے گھن آوے ، حزب اختلاف انتخابی اصلاحات توں کنارہ کشی اختیار کریندی پئی اے ، اپوزیشن کوں نظام انصاف اتے انتخابی اصلاحات تے ڳال مہاڑ کرݨی چاہدیی اے ، اپوزیشن جاݨ گھنے او جتنا وزیراعظم عمران خان تے تنقید کریسی ، اتنا اوعوام اچ مقبول تھیسن ۔ اے ڳالھیں انہاں منگل کوں قومی اسمبلی دے بجٹ اجلاس اچ آکھئن۔ وفاقی وزیر اطلاعات چوہدری فواد حسین آکھیے جو بجٹ اچ اساکوں 5700 ارب روپے ریونیو حاصل تھیوݨ دی توقع اے، گزریل سال 4600 توں 4700 ارب روپے ریونیو ملیا ہئی ، ایں سال اساکوں 5700 ارب روپے ریونیو دے حصول دے بعد خسارہ ترائے ہزار ارب روپے دا تھی ویسی ، انہاں آکھیے 5700 ارب روپے اچوں 57 فیصد حصہ صوبیں کوں چلیا ویسی مسلسل تریجھے سال اساں دفاع دے بجٹ اچ اینجھا ودھارا نی کریندے پئے جیویں اساݙے ہسمایہ ملک کیتے ۔ اساکوں 2 ہزار ارب روپے توں ودھ رقم انہاں قرضے دی مد اچ ادا کرݨی پوندی پئی اے جیڑھے جو سابقہ حکومتاں ڳھدن ۔

مضمون کا ماخذ : como ganhar na quina

متعلقہ مضامین