وزیراعظم عمران خان دی گرکن گروپ دے سی او پاسکل گرکن نال ملاقات

اسلام آباد ۔ 13 فروری (اے پی پی) وزیراعظم عمران خان آکھیے جو حکومت ملک اچ منافع بخش کاروباری منصوبے شروع کرنڑ سانگے سرمایہ کاراں کوں سہولت ڈیونڑ کیتے پرعزم ہے اتے کاروبار اچ آسانیاں پیدا کرنڑ تے توجہ ڈتی ہوئی ہے۔ وزیراعظم ایہ گالھ ینگ پریذیڈنٹ آرگنائزیشن دے چیئرمین اور گرکن گروپ دے سی او پاسکل گرکن نال گالھ بات کریندے ہوئیں ۔ جنہاں بدھ کوں وزیر اعظم آفس اچ انہاں نال ملاقات کیتی۔ مشیر تجارت عبدالرزاق داﺅد، چیئرمین سرمایہ کاری بورڈ ہارون شریف وی ایں موقع تے موجود ہن۔ وفد اچ ایم ڈی ابیکس کنسلٹنگ عباس علی خان، سی ای او اے کے مارکیٹنگ عابد عمر، ایم ڈی سوات سرائمیکس کمپنی اظہر ناصر، سی ای او انٹر ووڈ موبل پرائیویٹ لمیٹڈ عمر فاروق، سی ای او ہاشو گروپ مرتضیٰ ہاشوانی اتے چیئرمین ایم فائیو گروپ منیر معشوق اللہ شامل ہن۔ پاسکل گرکن وزیر اعظم کو ں ینگ پریذیڈینٹ آرگنائزیشن دے ساری دنیا اچ کھنڈے ہوئے نیٹ ورک بارے ڈسایا جواوہ معیشت دے مختلف شعبیں اچ خدمات سر انجام کریندے پن۔ انہاں غیر ملکی سیاحواں اتے سرمایہ کاراں سانگے حکومت دی آزادانہ پالیسی دی تعریف کیتی۔ وزیراعظم چیئرمین ینگ پریذیڈنٹ آرگنائزیشن دا پاکستان اچ خیر مقدم کریندے ہوئیں معیشت دے مختلف شعبیں خاص کر سیاحت دے میدان اچ مواقع بارے ڈسایا۔ وزیر اعظم آکھیے جو سیاحت دے شعبے اچ سرمایہ کاری سانگے پرکشش اتے ودھ سارے مواقع موجود ہن ۔ انہاں آکھیے جو حکومت کاروبار اچ آسانیاں پیدا کرنڑ تے توجہ ڈیندی پی ہے اتے ایں سانگے وڈی آسان ویزہ پالیسی متعارف کرائی ہے ,جیندا مقصد کاروبار اتے سیاحت کوں ودھاونڑ ہے۔ واضح رہوے جو ینگ پریذیڈنٹ آرگنائزیشن، چیف ایگزیکٹوز داعالمی نیٹ ورک ہے جیندے ممبراں دی تعداد ہزاراں اچ ہے اتے گرکن گروپ براعظم ایشیا اتے یورپ اتے امریکا دی11 کمپنیاں تے مشتمل کاربن اتے گریفائٹ ٹیکنالوجی دی انجینئرنگ دی وڈی کمپنی ہے۔ ایندا ہیڈکوارٹر بیلجیئم دے دارالحکومت برسلز اچ ہے۔ پاسکل گرکن گریگر ایس اے ناں دی ریئل اسٹیٹ گروپ دے شریک بانی وی ہن۔ گروپ دا بزنس جرمنی اتے بیلجیئم اچ ہے۔اوہ تفریحی جئیں تعمیر کرنڑ آلی کمپنی اوشن فرنٹ میانمار دے بانی وی ہن۔اوہ ینگ پریذیڈنٹس آرگنائزیشن دے بورڈ دے ڈائریکٹر وی ہن۔

مضمون کا ماخذ : جنگل کا بادشاہ

متعلقہ مضامین