د وزيراعظم عمران خان په مشرې كښې د حكومتي معاشي ډلې غونډه

اسلام آباد 14 ستمبر (اے پي پي) وزيراعظم عمران خان وئيلي دي چې د وړوكې او مېنځنې درجې صنعتونو وده٬ د معيشت استحكام او كاروباري ټولنې ته هر ډول ممكنه اسانيې وركول د حكومت وړومبې ترجيح ده٬ د تعميراتو څانګې ته د صنعت درجه وركولو او په لويو ښارونو كښې د تعميراتو په اړه د فكس ټېكس نفاذ تجويزونو ته حتمي شكل وركولې شي۔ ده دا خبرې د خالي په ورځ د حكومت د معاشي ډلې د غونډې مشري كولو په مهال په خپله وېنا كښې وكړې۔ د وزيراعظم عمران خان په مشرې كښې د حكومتي معاشي ډلې غونډه وشوه۔ په غونډه كښې د اقتصادي چارو وزير حماد اظهر٬ د منصوبه بندې وزير مخدوم خسرو بختيار٬ د خزانې سلاكار عبدالحفيظ شېخ٬ د اداره جاتي اصلاحاتو سلاكار ډاكټر عشرت حسېن٬ د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان٬ خاص مرستيال يوسف بېګ مرزا٬ د نوي پاكستان هاؤسنګ اتهارټۍ چيئرمېن ٬ د سټېټ بانك ګورنر٬ د اېف بي آر چيئرمېن٬ د سرمايه كارې بورډ چيئرمېن او د احساس پروګرام مشرې ډاكټر ثانيه نشتر پشمول نور چارواكو هم ګډون وكړو۔ د حكومت د معاشي ډلې لخوا وزيراعظم ته د معيشت بهترې او استحكام لپاره د شويو اقداماتو او د دې د اثراتو په اړه بريفنګ وركړے شو۔ په دې موقع وزيراعظم بېلا بېلو وزارتونو ته هدايات هم جاري كړل۔ وزيراعظم ووئيل چې حكومت د كركيلې د هرې يوې څانګې ودې لپاره يوه مفصل پاليسي تشكيل كړې٬ ضرورت د دې خبرې دې چې اولس د دې پالېسې او اقداماتو نه خبر كړې شي۔ وزيراعظم ووئيل چې د وړوكې او مېنځنې درجې صنعتونو وده٬ د معيشت استحكام او كاروباري ټولنې ته هر ډول ممكنه اسانيې وركول د حكومت وړومبې ترجيح ده٬ د تعميراتو څانګې ته د صنعت درجه وركولو او په لويو ښارونو كښې د تعميراتو په اړه د فكس ټېكس نفاذ تجويزونو ته حتمي شكل وركولې شي۔

مضمون کا ماخذ : لاٹری جیتنے کے طریقے

متعلقہ مضامین