لاہور۔2جون (اے پی پی):وزیر اعلی پنجاب مریم نواز لاہور ڈویلپمنٹ پراجیکٹ دی منظوری ݙے ݙتی۔وزیر اعلی مریم نواز دی صدارت اچ لاہوراچ ترقیاتی امور متعلق خصوصی اجلاس تھیا جیں اچ ہر زون دی انڄ شناخت سانڳے مخصوص کلر استعمال کرݨ دی تجویز تے اتفاق کیتا ڳئے ۔ ڈپٹی کمشنر لاہور رافعہ حیدر ڈویلپمنٹ پلان تے تفصیلی بریفنگ ݙتی ۔وزیر اعلی کوں بریفنگ اچ ݙسایا ڳئے جو پہلے فیز اچ لاہور دے رکیے چھی زون دی تعمیرومرمت اتے ڈویلپمنٹ کیتی ویسی لاہور ڈویلپمنٹ پراجیکٹ فیزون دی تکمیل سانڳے ݙاہ مہینے دی ڈیڈ لائن مقرر کیتی ڳئی اے بریفنگ اچ ݙسایا ڳئے جو فیزون دی تکمیل دے بعد فیز ٹو اچ ٻئے زون دی ڈویلپمنٹ اتے تعمیر ومرمت کیتی ویسی ۔ پہلے فیز اچ راوی، شالیمار، سمن آباد، داتا گنج بخش، نشتر ٹاون،گلبرگ اتے ریلوے ایریا شامل ہوسی۔بریفنگ اچ مزید ݙسایا ڳئے جو ݙوجھے فیز اچ علامہ اقبال، واہگہ اتے عزیز بھٹی زون دی ڈویلپمنٹ اتے تعمیر ومرمت کیتی ویسی ۔ پہلے فیز اچ چھی زون دی ڈویلپمنٹ اتے تعمیر ومرمت دی لاڳت دا تخمینہ 74 ارب 15 کروڑ روپے ہے۔ پہلے فیز اچ شامل چھی زون دی 93لکھ توں ودھ آبادی فیدہ چیسی ۔ ڈویلپمنٹ پلان اچ فراہمی و نکاسی آب دا نظام،رابطہ سڑکاں، ڳلیاں پکیاں کرݨ ، سٹریٹ لائٹ دی تنصیب اتے پارکس دی بحالی وی ڈویلپمنٹ پلان اچ شامل ہن ۔
