پیپلز پارٹی دا وفاقی حکومت دا حصہ نا ٻݨݨ دا اعلان، وزارت عظمیٰ کیتے ن لیگی امیدار دی حمایت کیتی ویسی، بلاول بھٹو زرداری

اسلام آباد۔13فروری(اے پی پی)پاکستان پیپلز پارٹی وزارت عظمیٰ کیتے مسلم لیگ ن دے امیدوار کوں ووٹ ݙیوݨ اتے حکومت دا حصہ نہ ٻݨݨ دا اعلان کیتے۔ چیئرمین پاکستان پیپلز پارٹی بلاول بھٹو زرداری سینٹرل ایگزیکٹو کمیٹی اجلاس دے بعد پریس کانفرنس اچ آکھیے جو پیپلز پارٹی ملک کوں بحران توں کݙھݨ کیتے اصولی فیصلہ کیتے، اساں اڄ وی پاکستان کھپے دا نعرہ لیندے ہیں، پیپلزپارٹی دی سینٹرل ایگزیکٹو کمیٹی ملک کوں بحران توں کݙھݨ اتے مستحکم ٻݨاوݨ دا فیصلہ کیتے، پیپلزپارٹی کولو مرکز اچ حکومت ٻݨاوݨ دا مطلوبہ مینڈیٹ کائنی اتے میں وزیراعظم دا وی امیدوار کائنی، ن لیگ ساکوں حکومت سازی دی دعوت ݙتی ہئی ٻھل پی ٹی آئی نال ٻاھوݨ توں انکار کر ݙتے، جیندے بعد اساں فیصلہ کیتے جو وزارت عظمیٰ کیتے مسلم لیگ ن دے امیدوار کوں ووٹ ݙیسوں ٻھل وفاقی کابینہ اچ نا رلسوں، عوام ہݨ ٻیا سیاسی عدم استحاکم نئیں سہہ سڳدے، انتخابات دے نتائج احتجاج نال قبول کریسوں، سی ای سی الیکشن بارے ساریاں شکایتاں کٹھیاں کریسی، حکومت سازی اتے سیاسی استحکام کیتے ہک کمیٹی ٻݨا ݙتی اے جیڑھی سیاسی جماعتاں نال رابطے کریسی۔ انہاں آکھیے جو کوشش ہوسی جو سندھ اتے بلوچستان اچ پیپلز پارٹی دی حکومت ٻݨے۔

مضمون کا ماخذ : پاور بال انعامات

متعلقہ مضامین