وفاقی وزیر اطلاعات تے نشریات اتے قومی تریخ و ادبی ورثہ بیرسٹر سید علی ظفردا لارنس کالج گھوڑا گلی اچ ترائے ڈینھ دے کتاب میلے دی افتتاحی تقریب نال خطاب

APP36-14 MURREE: July 14 - Caretaker Federal Minister for Information, Broadcasting, National History & Literary Heritage Syed Ali Zafar talking to media persons during the inauguration ceremony of 3-day NBF Kitab Mela arranged by National Book Foundation and Lawrence College Gora Gali. APP photo by Saeed-ul-Mulk

مری (گھوڑا گلی)۔ 14 جولائی (اے پی پی) وفاقی وزیر اطلاعات و نشریات اتے قومی تریخ و ادبی ورثہ بیرسٹر سید علی ظفر آکھے جوپشاور، بنوں، مستونگ اچ تھیونڑ آلے واقعات قوم کوں ڈکھی کر ڈتے،حالیہ دہشت گردی دے واقعات دی جتنی وی مذمت کیتی ونجے گھٹ ہے،دہشت گرداں دا مقصد الیکشن ملتوی کراونڑ ہے ،دہشتگرداں کوں انہاں دے مقاصد اچ کڈاہیں وی کامیاب کائناں تھیونڑ ڈیسوں،الیکشن اپنڑے مقررہ وقت تے تھیسن،دشمن نی چاہندے جو ملک اچ جمہوریت رہوے ، ساریاں سکیورٹی ایجنسیاں اتے متعلقہ ادارے مل تے دشمناںدا مقابلہ کریسن ،معاشرے اچ بے چینی اتے ڈر دی کیفیت پیدا کیتی ویندی پی ہے،پوری قوم ملک دشمن عناصر دے ناپاک عزائم کوں ہراونڑ سانگے پرعزم ہے۔ انہاں خیالیں دا اظہار انہاں ہفتہ کوں اتھاں لارنس کالج گھوڑا گلی اچ نیشنل بک فاﺅنڈیشن اتے لارنس کالج دی سانجھداری نال ترائے ڈینھ دے کتاب میلے دی افتتاحی تقریب نال بطور مہمان خصوصی خطاب اتے بعداچ میڈیا نال گالھ بات کریندے ہوئیں کیتا۔ انہاں آکھیا جو پشاور، بنوں اتے مستونگ اچ تھیونڑ آلے دہشت گردی دے واقعات دی مذمت سانگے الفاظ کائنی ہن، انہاں واقعات پوری قوم کوں ڈکھی کرڈتے۔ایں موقع تے دہشت گردی دے واقعات اچ شہید تھیونڑ آلیاں دے غم اچ ہک منٹ سانگے خاموشی اختیار کیتی گئی۔وزیر اطلاعات آکھیا جو دہشت گرد خوف، بدامنی اتے عدم اتحاد پیداکر تے الیکشن کوں ملتوی کراونڑ چاہندن اتے جمہوریت کوں پٹڑی توں لاہونڑ سانگے کوششاںکر یندے پن ۔ انہاں آکھیا جواساڈے دشمن نی چاہندے جو الیکشن تھیونڑ لیکن قوم انہاں دے ناپاک عزام کوں ناکام بناونڑ سانگے پرعزم ہے۔ انہاں آکھیا جو وقت دی ضرورت ہے جو وفاقی اتے صوبائی حکومتاں ، قنون نافذ کرنڑ آلے ادارے اتے ریاستی ادارے رل مل تے دہشت گردی دا مقابلہ کرن۔ جیویں پوری قوم اتے افواج پاکستان دہشت گردی دے خلاف جنگ عملی طور تے جیتی ہے ایویں ا وہ ہنڑ وی ملک دشمن طاقتاں دے عزائم کوں ناکام کریسن۔ انہاں آکھیا جو بہتر ہے جو زندگی معاشرے دے دانشور لوکاں نال گزاروں تے انہاں کنوں سیکھوں یا اپنڑاں وقت کتاباں دے نال گزاروں تاں جو انسانیت دیاں بلندیاں تئی پہج سگوں۔ سید علی ظفر ”اینے کونیڈ لین“ دے قول دا حوالہ ڈتا جیندے اچ اوں آکھیا ہا جو “ میں کتاباں اچ نہ صرف بی دنیا بلکہ میدی اپنڑیں دنیا دا سفر کیتے “۔ انہاں آکھیا جو طلباءدی شخصیت بنڑاونڑ اتے انسانیت دی بلندی تے پجنڑ سانگے کتاب سبھ توں چنگاذریعہ ہے اتے علامہ محمد اقبال وی ”من سفری“ دی اہمیت تے زور ڈتے۔ انہاں آکھیا جو لارنس کالج مری ہک پرانڑاںکالج ہے اتھوں ڈھگ ساریاں ناں آلیاں شخصیات بنڑیاں جیرھیاںجو قومی زندگی دے مختلف شعبیں اچ اہم کردار ادا کر یندیاں پن۔ بعداچ میڈیا نال گالھ بات کریندے ہوئیں انہاں آکھیا جو نواز شریف اتے انہاں دی دھی مریم نواز گرفتاری سانگے آئے ہن اتے نیب انہاں کوں گرفتار کرگھدے اتے ساری کارروائی معمول مطابق کیتی گئی۔انہاں آکھیا جو نواز شریف کوں اپیل دائر کرنڑ اتے وکیل رکھنڑ توں متعلق ساریاں سہولتاں ڈیسوں۔انہاں آکھیا جو نواز شریف کوں پنجاب حکومت دے جیل مینوئل مطابق جیل اچ سہولتاں ڈتیاں ویسن جیرھی جو نہ تاں ایں توں گھٹ ہوسن اتے نہ ہی اوں توں ودھ ہوسن۔

مضمون کا ماخذ : لاٹری کا ٹکٹ کیسے خریدیں

متعلقہ مضامین