چونڊن جي تاريخ اليڪشن ڪميشن ڏيندي، نگران حڪومت ليول پليئنگ فيلڊ يقيني بڻائيندي: نگران وزيراعظم انوارالحق ڪاڪڙ

لاهور – 31 – آڪٽوبر (اي پي پي) نگران وزيراعظم انوارالحق ڪاڪڙ چيو آهي ته چونڊن جي تاريخ اليڪشن ڪميشن ڏيندي جڏهن ته نگران حڪومت ليول پليئنگ فيلڊ يقيني بڻائيندي، اسان هر محاذ تي فلسطين جي لاءِ آواز بلند ڪيو، پاڪستان اسرائيلي جارحيت جي سخت مذمت ڪري ٿو، غزه ۾ فوري جنگبندي ٿيڻ گهرجي ته جيئن ماڻهن کي امداد پهچائي سگهجي، آءِ ايم ايف جو وفد 2 نومبر تي پاڪستان جو دورو ڪندو، ايس آءِ ايف سي سيڙپڪاري جي لاءِ هڪ اهم پليٽ فارم آهي، اسمگلنگ معاشي ترقي ۾ هڪ وڏي رڪاوٽ آهي، نگران حڪومت جي موثر انتظامي قدمن سان کاڌي پيتي جي شين جي قيمتن ۾ گهٽتائي آئي آهي. هو ميو اسپتال لاهور جي دوري جي موقعي تي صحافين سان ڳالهائي رهيو هو. پنجاب جي نگران وڏي وزير محسن نقوي سميت ٻيا پڻ ساڻس گڏ هئا. نگران وزيراعظم چيو ته دنيا جو ڪو به ملڪ غيرملڪين کي غيرقانوني طور تي پنهنجي ملڪ ۾ رهڻ جي اجازت نه ٿو ڏي، اهو تاثر غلط آهي ته رجسٽرڊ افغان پناهگيرن کي واپس موڪليو پيو وڃي، غيرقانوني طور تي رهندڙ سمورن پناهگيرن کي واپس انهن جي ملڪن ۾ موڪليو ويندو. ڪنهن به ٻئي ملڪ جو شهري قانوني طور تي ويزا وٺي پاڪستان اچي سگهي ٿو. هڪ سوال جي جواب ۾ نگران وزيراعظم انوارالحق ڪاڪڙ چيو ته ايندڙ چونڊن جي تاريخ اليڪشن ڪميشن ڏيندي، چونڊون منعقد ڪرڻ جي لاءِ اليڪشن ڪميشن کي هر معاونت فراهم ڪنداسين ۽ سڀني جي لاءِ ليول پليئنگ فيلڊ کي يقيني بڻائينداسين. هڪ سوال جي جواب ۾ هن چيو ته تڪبندين جي حوالي سان اليڪشن ڪميشن جو هڪ مخصوص طريقيڪار آهي جنهن تي مڪمل عملدرآمد ڪرڻ اليڪشن ڪميشن جو ڪم آهي. اسان کي پنهنجي عمل جي ذريعي ٻين جي لاءِ مثال بڻجڻو آهي. هڪ سوال جي جواب ۾ هن چيو ته اڃا تائين اليڪشن ڪميشن ڪنهن به سياسي پارٽي تي ڪا پابندي ناهي لڳائي. حڪومت جي پاليسي آهي ته سمورين سياسي پارٽين کي برابر سهولتون فراهم ڪيون وڃن. هر سياسي پارٽي کي سياسي سرگرمين ۽ اظهار راءِ جي آزادي حاصل آهي. نگران حڪومت ڪو غيرقانوني ۽ غيرآئيني قدم نه کڻندي. فلسطين تي اسرائيلي ظلمن جي حوالي سان هڪ سوال جي جواب ۾ نگران وزيراعظم چيو ته پاڪستان اسرائيلي جارحيت جي سخت مذمت ڪري ٿو. اسان هر محاذ تي فلسطين جي لاءِ آواز بلند ڪيو آهي. غزه تي او آءِ سي اجلاس ۾ پاڪستاني پرڏيهي وزير ڀرپور نمائندگي ڪئي آهي. چين جي تازي دوري ۾ عالمي اڳواڻن سان پڻ ان تڪرار جي حوالي سان تفصيلي ڳالهه ٻولهه ٿي آهي. نگران وزيراعظم چيو ته اهو ڊگهي عرصي کان حل طلب عالمي تڪرار آهي. پاڪستان ان حوالي سان پنهنجو مثبت ڪردار ادا ڪندو رهندو. هن چيو ته غزه ۾ فوري جنگبندي ٿيڻ گهرجي ته جيئن مظلوم فلسطينين کي امداد پهچائي سگهجي. انوارالحق ڪاڪڙ چيو ته آءِ ايم ايف جو وفد 2 نومبر تي پاڪستان جو دورو ڪندو. ان حوالي سان پاڪستان جون سموريون تياريون مڪمل آهن. اميد آهي ته آءِ ايم ايف پروگرام جي حوالي سان معاملا ڪاميابي سان طئي ٿي ويندا. هڪ سوال جي جواب ۾ هن چيو ته ايس آءِ ايف سي سيڙپڪاري جي لاءِ هڪ اهم پليٽ فارم آهي. ايس آءِ ايف سي کي پارليامينٽ جي ذريعي مڪمل تحفظ حاصل آهي. هن چيو ته اسمگلنگ ملڪي معاشي ترقي ۾ هڪ وڏي رڪاوٽ رهي آهي. نگران حڪومت جي وقت سر ۽ موثر انتظامي قدمن سان اسمگلنگ ۽ ذخيره اندوزي جي خاتمي کي يقيني بڻايو پيو وڃي. اسمگلنگ جي روڪٿام جي حوالي سان حڪومت جي قدمن جا مثبت نتيجا اچڻ شروع ٿي ويا آهن. هن چيو ته پيٽرول ۽ ڊيزل جي قيمتن ۾ گهٽتائي ۽ ڊالر جي قدر ۾ گهٽتائي کانپوءِ اٽي، کنڊ، گيهه ۽ دالين سميت کاڌي پيتي جي ٻين شين ۽ جنسن جي اگهن ۾ گهٽتائي آئي آهي. اميد آهي ايندڙ ڏينهن ۾ مهانگائي وڌيڪ گهٽ ٿيندي. هن چيو ته مذهبي سياحت جي فروغ لاءِ قدم وقت جي اهم ضرورت آهي، شاهي قلعي جي ثقافتي ورثي جي بحالي خوش آئنده آهي. سياحت جي فروغ جي حوالي سان جتي ضرورت هوندي وفاقي حڪومت پنجاب کي هر ممڪن مدد فراهم ڪندي. ثقافتي جي فروغ جي لاءِ پنجاب حڪومت جون ڪوششون ساراهه جوڳيون آهن. اميد آهي ته ٻيا صوبا به سياحت جي فروغ لاءِ قدم کڻندا. لاهور جي تازي دوري سان پنجاب حڪومت جي ڪيترن ئي ترقياتي منصوبن بابت آگاهي ملي آهي.

مضمون کا ماخذ : لاٹری جیتنے کی حکمت عملی

متعلقہ مضامین